Nasaf” – “So‘g‘diyona” (3:0) uchrashuvi yakunlangach jamoalar murabbiylari o‘yin haqidagi fiklari bilan o‘rtoqlashdi. Dastlab “So‘g‘diyona” jamoasi ustozi Sergey Ivanovich o‘z fikrlarini bildirdi.

“Avvalom bor “Nasaf” jamoasini g‘alaba bilan tabriklayman. Bugun raqibimiz juda mazmunli sifatli o‘yin namoyish etdi. Shaxsan men mamlakatimizda shunday jamoa borligidan mamnunman. Bugun “Nasaf” bizdan har tomonlama ustun bo‘ldi.

Jamoamiz o‘yini haqida aytadigan bo‘lsam, o‘yinda yaratilgan vaziyatlarni golga aylantirgan taqdirimizda ham o‘yin natijasini o‘z foydamizga o‘zgartirish qiyin edi. O‘yinimiz bugun ko‘ngildagidek chiqmadi. Albatta bunday jamoaga qarshi o‘ynash qiyin.

Bu yil biz uchinchi marta “Nasaf” bilan bahs yuritdik. Menga qolsa, bunday jamoa bilan ko‘proq bahslashgan bo‘lardik. Chunki bunday raqibga qarshi to‘p surish,  ko‘p narsani beradi.

“Nasaf” klubining ajoyib futbol maktabi bor, bu maktabda uzluksiz talantlar yetishib chiqayapti. To‘g‘ri, jamoa ba’zan muvaffaqiyatsizlikka uchraydi. Menimcha bu vaqtinchalik, “Nasaf”ning poydevori juda kuchli, ulg‘ayotgan yoshlar bari-bir kelajakda o‘zlarini ko‘rsatishadi. Bu futbolchilar uzoqqa borishlari mumkin.

Umuman olganda, mamlakatimizdagi “Nasaf”dek klubga e’tiborni kuchaytirish kerak. Chunki bu klubda futbol uchun hammasi bor”, deydi Lushchan