Superliga 27-turidan o‘rin olgan “Qizilqum” – AGMK (2:1) uchrashuvidan keyingi matbuot anjumanida mehmonlar bosh murabbiyi Baxtiyor Ashurmatov bellashuv haqida o‘z fikrlarini bildirib o‘tdi.

-“Qizilqum” bizga nisbatan kuchliroq va chiroyliroq futbol namoyish qildi. Afsuskki, biz birinchi taymda o‘zimiz xohlagan o‘yinni ko‘rsata olmadik. Tarkibda o‘zgarishlardan keyin futbolchilarimiz o‘zlariga kelishdi.

Hisobda ortda qolib turganligimiz sababli bizga qiyin bo‘ldi. Yaratilgan imkoniyatlardan biz foydalana olmadik, raqib esa aksincha-ularni golga aylantirdi. “Qizilqum”ni g‘alaba bilan tabriklayman.

-Jamoani oldinda muhim va qiyin o‘yin – kubok finalida “Paxtakor”ga qarshi bahs kutib turibdi. So‘nggi mag‘lubiyatlar jamoaga final oldidan ruhiy ta’sir o‘tkazmaydimi?

-“Paxtakor” bilan finalda har doim ham o‘ynash nasib qilavermaydi. O‘ylashimcha, yigitlar bu o‘yinga yigitlarni finalga tayyorlash qiyin bo‘lmaydi. Har bir futbolchining faoliyatida bunday o‘yinlar atigi bir marta sodir bo‘lishi ham mumkin. Shu sabab final bellashuviga jangovar holatda maydonga tushib, bor kuchimizni namoyish etamiz.