Superliga 27-turidan o‘rin olgan “Bunyodkor” – “Paxtakor” uchrashuvidan so‘ng mehmonlar murabbiyi Shota Arveladze o‘yindan keyingi matbuot anjumanida ishtirok etdi.
“Bunyodkor bilan o‘ynash yoqimli. Ular himoyada turmasdan futbol o‘ynashga intilishadi. Bugun ham shunday holat yuzaga keldi.
Maydon holati jamoalarga yanada hujumkor va chiroyli o‘ynashga imkon bermadi. Biz mag‘lubiyatdan keyin og‘ir haftani o‘tkazdik va o‘zimizga kela oldik. Futbolda ruhan o‘ziga kelib olish og‘ir, biz esa ushbu o‘yinga hozirlik jarayonida buni uddalashga intildik.
A’zamov kubok finalida o‘ynay olishiga umid qilaman. Oldinda hali uch kun bor. U terma jamoadan jarohat bilan qaytgandi. Oxirgi kunlarda jamoa bilan shug‘ullandi, biroq bu maydonda uni tushirgim kelmadi.
