Суперлига 27-туридан ўрин олган “Бунёдкор” – “Пахтакор” учрашувидан сўнг меҳмонлар мураббийи Шота Арвеладзе ўйиндан кейинги матбуот анжуманида иштирок этди.

“Бунёдкор билан ўйнаш ёқимли. Улар ҳимояда турмасдан футбол ўйнашга интилишади. Бугун ҳам шундай ҳолат юзага келди.

Майдон ҳолати жамоаларга янада ҳужумкор ва чиройли ўйнашга имкон бермади. Биз мағлубиятдан кейин оғир ҳафтани ўтказдик ва ўзимизга кела олдик. Футболда руҳан ўзига келиб олиш оғир, биз эса ушбу ўйинга ҳозирлик жараёнида буни уддалашга интилдик.

Аъзамов кубок финалида ўйнай олишига умид қиламан. Олдинда ҳали уч кун бор. У терма жамоадан жароҳат билан қайтганди. Охирги кунларда жамоа билан шуғулланди, бироқ бу майдонда уни туширгим келмади.