Yevropa chempionlar ligasi guruh bosqichining 3-turi natijalariga ko‘ra musobaqada haftaning eng yaxshi o‘yinchisi nomini olishga da’vogarlar ro‘yxatiga kirgan o‘yinchilar nomi ma’lum bo‘ldi.
Unga ko‘ra, haftaning eng yaxshi o‘yinchisi nomiga “Roma” hujumchisi Edin Jeko, “Liverpul” hujumchisi Muhammad Saloh, “Manchester Siti” yarim himoyachisi David Silva va Dortmundning “Borussiya” klubi himoyachisi Ashraf Hakimi da’vogarlik qilmoqda.
Ma’lumot o‘rnida, Jeko “Roma”- SSKA (3:0) uchrashuvida ikkita gol va golli pasni, Saloh “Liverpul” - “Srvena Zvezda” (4:0) uchrashuvida ikkita golni hisobiga yozib qo‘ydi.
“Shaxtyor”- “Manchester Siti” (0:3) uchrashuvida David Silva bitta gol urgan, Hakimi esa “Borussiya” D-“Atletiko” (4:0) uchrashuvida uchta golli uzatmani amalga oshirgan.
