Avval xabar berganimizdek, Superliga va PRO-Liga jamoalarining tayyorlov guruhlari o‘rtasida o‘tkazilayotgan musobaqada «Andijon U-14» va «Andijon U-16» jamoalari ham bevosita ishtirok etib kelmoqda.

Dushanba kuni Andijonda o‘tkazilgan «Andijon U-14» - «Neftchi U-14» uchrashuvida farg‘onaliklarning qo‘li baland kelib, 2:0 hisobida g‘alaba qozongandi. «Andijon U-16» - «Neftchi U-16» uchrashuvida esa 1:2 hisobi qayd etildi.

Kuni-kecha ushba jamoalar Farg‘onada uchrashdi. Unda «Andijon U-14» jamoasi yana 2:0 hisobida mag‘lub bo‘ldi. «Andijon U-16» jamoasi esa «Neftchi U-16»ni 3:1 hisobida taslim etdi.

«Neftchi U-14» - «Andijon U-14» uchrashuvining ikkinchi bo‘limida bosh hakam kutilmaganda andijonliklar posboniga qizil kartochka ko‘rsatib, maydondan chetlatishga qaror qildi. Shundan so‘ng maydonda raqibiga nisbatan bir kishi kam bo‘lib qolgan «Andijon U-14» jamoasi o‘z darvozasidan 2ta to‘p o‘tkazib yuborib, alamli tarzda mag‘lub bo‘ldi.

Ma’lumot uchun, «Andijon U-14» jamoasiga Yazgeldi Kutdanov, «Andijon U-16» jamoasiga esa Shakir Galimov murabbiylik qilmoqda.
«Andijon» tayyorlov guruhining navbatdagi raqibi «Navbahor» bo‘ladi. Mazkur uchrashuvlar 29 oktyabr sanasiga belgilangan.

«Andijon» matbuot xizmati.