Аввал хабар берганимиздек, Суперлига ва ПРО-Лига жамоаларининг тайёрлов гуруҳлари ўртасида ўтказилаётган мусобақада «Андижон U-14» ва «Андижон U-16» жамоалари ҳам бевосита иштирок этиб келмоқда.
Душанба куни Андижонда ўтказилган «Андижон U-14» - «Нефтчи U-14» учрашувида фарғоналикларнинг қўли баланд келиб, 2:0 ҳисобида ғалаба қозонганди. «Андижон U-16» - «Нефтчи U-16» учрашувида эса 1:2 ҳисоби қайд этилди.
Куни-кеча ушба жамоалар Фарғонада учрашди. Унда «Андижон U-14» жамоаси яна 2:0 ҳисобида мағлуб бўлди. «Андижон U-16» жамоаси эса «Нефтчи U-16»ни 3:1 ҳисобида таслим этди.
«Нефтчи U-14» - «Андижон U-14» учрашувининг иккинчи бўлимида бош ҳакам кутилмаганда андижонликлар посбонига қизил карточка кўрсатиб, майдондан четлатишга қарор қилди. Шундан сўнг майдонда рақибига нисбатан бир киши кам бўлиб қолган «Андижон U-14» жамоаси ўз дарвозасидан 2та тўп ўтказиб юбориб, аламли тарзда мағлуб бўлди.
Маълумот учун, «Андижон U-14» жамоасига Язгелди Кутданов, «Андижон U-16» жамоасига эса Шакир Галимов мураббийлик қилмоқда.
«Андижон» тайёрлов гуруҳининг навбатдаги рақиби «Навбаҳор» бўлади. Мазкур учрашувлар 29 октябрь санасига белгиланган.
«Андижон» матбуот хизмати.
