Toshkent shahrida o‘smirlar o‘rtasidagi VI Osiyo chempionati davom etmoqda. Bugun qizlar musobaqasida ikkinchi, o‘g‘il bolalar o‘rtasidagi bellashuvlarda esa uchinchi tur bahslari o‘tkazildi. Qizlarimiz ikkinchi tur doirasida qozog‘istonlik raqiblarga to‘qnash kelishdi va 5:9 hisobida imkoniyatni boy berishdi. Yigitlarimiz ham Qozog‘iston terma jamoasiga qarshi bahs olib bordilar va 9:9 hisobidagi durangga imzo chekishdi.
Bugungi natijalar:
Qizlar, 2-tur:
Qozog‘iston – O‘zbekiston 9:5
Xitoy – Yaponiya 11:6
O‘g‘il bolalar, 3-tur:
Qozog‘iston – O‘zbekiston 9:9
Janubiy Koreya – Yaponiya 6:27
Eron – Xitoy 9:14
Ertaga qizlar o‘rtasidagi musobaqada dam olish kuni bo‘lsa, yigitlar to‘rtinchi tur bahslarini o‘tkazishadi:
Yaponiya – O‘zbekiston
Xitoy – Qozog‘iston
Janubiy Koreya – Eron.
