Vengriya poytaxti Budapesht shahrida sport kurashlari bo‘yicha jahon chempionati davom etmoqda. Kecha -63 kg vazn toifasida yurtimiz sharafini himoya qilgan Yelmurat Tasmuradov barcha raqiblarini mag‘lubiyatga uchratib, finalga chiqqani haqida xabar qilgandik.

Hamyurtimiz musobaqa davomida Belarus, Xitoy, Moldova va Ukraina vakillaridan ustun keldi. Hal qiluvchi jangda esa rossiyalik Stepan Maryanyanga qarshi gilamga chiqdi va 3:6 hisobida imkoniyatni boy berdi.

Bu Vengriyadagi jahon chempionatida O‘zbekiston terma jamoasi uchun ikkinchi medal hisoblanadi. Bungacha erkin kurashchimiz Bekzod Abdurahmonov ushbu jahon chempionatida bronza medalini qo‘lga kiritgandi.

Ma’lumot uchun, Yelmurat Tasmuradov bungacha ikki marotaba jahon chempionatlarining bronza medallariga ega chiqqan. Rio Olimpiadasi sovrindori uchun bu jahon chempionatlaridagi uchinchi medal bo‘ldi.