“Barselona”himoyachisi Jerar Pike “Real”ga qarshi o‘yinda (5:1) beshinchi goldan so‘ng muxlislarga qo‘lidagi barmoqlarini ko‘rsatdi.

Madridliklar darvozasiga beshinchi gol 87-daqiqada “Barsa” yarim himoyachisi Arturo Vidal tomonidan kiritildi.

Pike bu ishini 2010 yil Xosep Gvardiola boshchiligidagi “Barsa” Joze Mourinyoning “Real”i ustidan 5:0 hisobida g‘alaba qozonganda ham bajargandi.

Ma’lumot o‘rnida, birinchi bo‘lib muxlislarga beshta barmog‘ini ko‘rsatishni “Barsa” sobiq murabbiyi Yoxan Kroyff yordamchisi Tonni Breyns Slot 1993/94 (5:0) yil mavsumidagi o‘yinda boshlab bergan.