Xitoy milliy chempionatining 27-tur o‘ynida “Shanghay SIPG” o‘z maydonida “Shandong Luneng” klubini qabul qildi. O‘yin “Shanghay stedium”da bo‘lib o‘tdi va maydon egalarining 4:2 hisobidagi g‘alabasi bilan tugadi.
G‘olib jamoa tarkibida U Ley va braziliyalik hujumchi Xalk dubl qilishdi. “Zenit”ning sobiq futbolchisi har ikki golni penaltidan urdi. “Shandong Luneng” tarkibida Italiya terma jamoasining sobiq hujumchisi Grasiano Pelle dublga erishdi.
“Shanghay SIPG” 62 ochko bilan 27 turdan so‘ng Xitoy chempionatining turnir jadvalida karvonboshilik qilmoqda, “Shandong Luneng” 51 ochko jamg‘argan holda uchinchi o‘rinda. Bugungi muvaffaqiyatsizlikdan so‘ng “Shandong Luneng” chempion bo‘lish uchun nazariy imkoniyatlarni ham yo‘qqa chiqardi.
