«Lester» rasmiy bayonot berib, klub xo‘jayni Vichay Srivadxanaprabxa «Vest Xem»ga qarshi o‘yindan (1:1) so‘ng «King Pauer» stadioni yoqinida vertolyot halokatga uchrashi oqibatida vafot etganini tasdiqladi.

«Chuqur afsus bilan shuni ta’kidlaymizki, klub prezidenti Vichay Srivadxanaprabxa shanba kuni kechasi halokatga uchraganlar orasida edi. U va yana 4 nafar ekipajni o‘z bag‘riga olgan vertolyot stadion yaqinida qulab tushdi. Bortda bo‘lgan 5 kishidan hech biri tirik qolmadi.

Klub Srivadxanaprabxa va boshqa vafot etganlarning oila a’zolariga ta’ziya bildiradi. Bu yo‘qotishni so‘z bilan ta’riflab bo‘lmaydi. Biz Vichay misolida yaxshi insondan ayrildik. U o‘z hayotini oilasiga bag‘ishlgan mehribon va yaxshi inson edi. Uning oilasi kabi biz ham qayg‘udamiz. U klubni rivojlantirish uchun tanlagan yo‘lni mustahkam ushlashga harakat qilamiz.

Klubning barcha xodimlari ro‘y bergan voqeaga nisbatan jahon futbol ommasining munosabati, qo‘llab-quvvatlashi va og‘ir vaziyatda ko‘ngilni ko‘tarish uchun aytgan so‘zlaridan ta’sirlandi», – deyiladi "Lester" klubi bayonotida.