«Лестер» расмий баёнот бериб, клуб хўжайни Вичай Сривадханапрабха «Вест Хэм»га қарши ўйиндан (1:1) сўнг «Кинг Пауэр» стадиони ёқинида вертолёт ҳалокатга учраши оқибатида вафот этганини тасдиқлади.

«Чуқур афсус билан шуни таъкидлаймизки, клуб президенти Вичай Сривадханапрабха шанба куни кечаси ҳалокатга учраганлар орасида эди. У ва яна 4 нафар экипажни ўз бағрига олган вертолёт стадион яқинида қулаб тушди. Бортда бўлган 5 кишидан ҳеч бири тирик қолмади.

Клуб Сривадханапрабха ва бошқа вафот этганларнинг оила аъзоларига таъзия билдиради. Бу йўқотишни сўз билан таърифлаб бўлмайди. Биз Вичай мисолида яхши инсондан айрилдик. У ўз ҳаётини оиласига бағишлган меҳрибон ва яхши инсон эди. Унинг оиласи каби биз ҳам қайғудамиз. У клубни ривожлантириш учун танлаган йўлни мустаҳкам ушлашга ҳаракат қиламиз.

Клубнинг барча ходимлари рўй берган воқеага нисбатан жаҳон футбол оммасининг муносабати, қўллаб-қувватлаши ва оғир вазиятда кўнгилни кўтариш учун айтган сўзларидан таъсирланди», – дейилади "Лестер" клуби баёнотида.