FIFA prezidenti Janni Infantino UYEFA bosh kotibi lavozimida ishlagan chog‘ida "PSJ" va "Manchester Siti" klublariga jiddiy jazolardan qutqarib qolgan.

Football Leaks surishtiruviga ko‘ra, Yaqin Sharqning eng boy odamlari egalik qilayotgan har ikki klub 2011 dan 2013 yilgacha jiddiy byudjet taqchilligiga uchraganlar, buning uchun moliyaviy feyr-pley qoidalariga ko‘ra jazolanishlari va hatto chempionlar ligasidan chetlatilishlari mumkin edi.

"PSJ" Qatar turizm vazirligi bilan homiylik shartnomasiga ko‘ra 2011 dan 2013 yilgacha yiliga 215 mln yevro olgan, UYEFA yollagan kspertlar shartnomaning bozor qiymatini bor-yo‘g‘i 2,8 mln yevroga baholagan.

"Siti"ga kelsak, klubning real zararlari bu davrda 233 mln yeavroni tashkil qilgan, bu MFP limitidan 5 barobar ko‘p (limit - 45 mln yevro). Infantinoning bulardan xabari bo‘lgan.

"PSJ"ga MFP qoidalarini chetlab o‘tib 1,8 mlrd yevro mablag‘ qo‘yilgan, "Man Siti"ga esa - 2,7 mlrd yevro. Fransuzlarni jazodan qutilib qolishlariga UYEFAning sobiq rahbari Mishel Platini, Fransiyaning sobiq prezidenti Nikolya Sarkozi va Infantino yordam bergan, angliyaliklarga esa Infantinoning o‘zi.

Football Leaks ixtiyoridagi hujjatlarga ko‘ra, Infantino, o‘zi gallab turgan lavozimga qaramay, klublarni himoya qilgan.

Infantino har ikki klub rahbarlari bilan bir necha marta yashirinchi uchrashgan. Ular bilan sirli muzokaralar olib borgan va kelishuvlarni taklif qilgan, bunga uning huquqi bo‘lmagan.

2014 yilda har ikki klub UYEFA bilan kelishuvga erishda va zarar ko‘rishmadi.

Shundan so‘ng ko‘p o‘tmay, UYEFAdan mustaqil tarzda har ikki klubning ishlari bo‘yicha surishtiruv o‘tkazgan shotlandiyalik moliyaviy ekspert Brayan Kuinn o‘z vazifasi - moliyaviy feyr-pley surishtiruv rahbari lavozimidan ketgan.