ФИФА президенти Жанни Инфантино УЕФА бош котиби лавозимида ишлаган чоғида "ПСЖ" ва "Манчестер Сити" клубларига жиддий жазолардан қутқариб қолган.
Football Leaks суриштирувига кўра, Яқин Шарқнинг энг бой одамлари эгалик қилаётган ҳар икки клуб 2011 дан 2013 йилгача жиддий бюджет тақчиллигига учраганлар, бунинг учун молиявий фэйр-плей қоидаларига кўра жазоланишлари ва ҳатто чемпионлар лигасидан четлатилишлари мумкин эди.
"ПСЖ" Қатар туризм вазирлиги билан ҳомийлик шартномасига кўра 2011 дан 2013 йилгача йилига 215 млн евро олган, УЕФА ёллаган кспертлар шартноманинг бозор қийматини бор-йўғи 2,8 млн еврога баҳолаган.
"Сити"га келсак, клубнинг реал зарарлари бу даврда 233 млн еаврони ташкил қилган, бу МФП лимитидан 5 баробар кўп (лимит - 45 млн евро). Инфантинонинг булардан хабари бўлган.
"ПСЖ"га МФП қоидаларини четлаб ўтиб 1,8 млрд евро маблағ қўйилган, "Ман Сити"га эса - 2,7 млрд евро. Французларни жазодан қутилиб қолишларига УЕФАнинг собиқ раҳбари Мишель Платини, Франциянинг собиқ президенти Николя Саркози ва Инфантино ёрдам берган, англияликларга эса Инфантинонинг ўзи.
Football Leaks ихтиёридаги ҳужжатларга кўра, Инфантино, ўзи галлаб турган лавозимга қарамай, клубларни ҳимоя қилган.
Инфантино ҳар икки клуб раҳбарлари билан бир неча марта яширинчи учрашган. Улар билан сирли музокаралар олиб борган ва келишувларни таклиф қилган, бунга унинг ҳуқуқи бўлмаган.
2014 йилда ҳар икки клуб УЕФА билан келишувга эришда ва зарар кўришмади.
Шундан сўнг кўп ўтмай, УЕФАдан мустақил тарзда ҳар икки клубнинг ишлари бўйича суриштирув ўтказган шотландиялик молиявий эксперт Брайан Куинн ўз вазифаси - молиявий фэйр-плей суриштирув раҳбари лавозимидан кетган.
