"Milan" klubi yanvar oyida "Los-Anjeles Glaksi"dan hujumchi Zlatan Ibrahimovichni qaytarmoqchi.
Italiya klubi va 37 yoshli futbolchi o‘rtasida muzokaralar jadal suratda o‘tmoqda, deya xabar beradi La Gazzetta dello Sport.
Shved futbolchisining turmush o‘rtog‘i Xelena uning "Milan"ga o‘tishini ma’qulladi. Endi "Milan" rahbariyati moliyaviy feyr-pley qoidalariga amal qilishlari kerak. Klub UYEFA nazoratida turibdi.
Ibrahimovich MLSda yiliga 1,5 mln yevro ishlab topmoqda, ammo turli homiylar tufayli bu summa 4 mln yevroga yetmoqda.
Ibrahimovich 27 o‘yinda 22 ta gol urdi, ammo "LA Gelaksi" musobaqa pley-offiga chiqa olmadi.
