Eronning Karaj shahrida slalomda eshkak eshish bo‘yicha yoshlar o‘rtasida Osiyo chempionati bo‘lib o‘tayotganligi haqida xabar qilgandik.

Bugun o‘tkazilgan bahslarda O‘zbekiston terma jamoa a’zosi Janibek Temirgaliyev maxsus slalom yo‘nalishi bo‘yicha K-1 qayig‘ida yakkalik bahslarda ishtirok etdi va bronza medaliga sazovor bo‘ldi.

Shu tariqa O‘zbekiston terma jamoasi musobaqa davomida 3 ta medal qo‘lga kiritdi. Bungacha sportchilarimiz jamoaviy bahslarda 2 ta kumush medallariga ega chiqqandilar.