Ashxobod shahrida og‘ir atletika bo‘yicha jahon chempionati davom etmoqda. Musobaqada yer yuzining turli mamlakatlaridan yig‘ilgan eng sara polvonlar sovrinli o‘rinlar uchun kurash olib bormoqdalar.
Bugun chempionatda -67 kg vazn toifasida bahslarda ishtirok etgan Doston Yoqubov dast ko‘tarishda 139 kg., siltab ko‘tarishda 180 kg. tosh ko‘tardi va umumiy hisobda 319 kg. natija ko‘rsatdi. Siltab ko‘tarishdagi 180kg. natija orqali hamyurtimiz ikkinchi ko‘rsatkichni qayd etdi va kumush medalga ega chiqdi.
Milliy Olimpiya qo‘mitasi dastlabki medal bilan sportchimiz, uning murabbiylari va O‘zbekiston og‘ir atletika federasiyasini muborakbod etadi.