Rossiya premyer-ligasining 13-turi doirasida "Krasnodar" o‘z maydonida "Rostov"ni qabul qildi.

Uchrashuvning 7-daqiqasida Eldor Shomurodov bosh bilan hisobni ochishga muvaffaq bo‘ldi. Ammo oradan ko‘p o‘tmasdan mezbonlar hisobni tenglashtirishdi. Gol muallifi — Ari. O‘yin tugashiga 18 daqiqa qolganida yana o‘sha Ari jamoasini hisobda oldinga olib chiqdi. 81-daqiqada esa Ingason "Rostov"ning ikkinchi golini urib, hisobni tenglashtirdi.

Shomurodov bahsning 77-daqiqasida zaxiraga olindi. Uning o‘rniga Kyartansson tushirildi. Bugungi o‘yindagi gol Eldor uchun Rossiya premyer-ligasining ushbu mavsumidagi ilk gol bo‘ldi. Avvalroq u Rossiya kubogi doirasida to‘p kiritgandi.

Mazkur durangdan keyin "Rostov" o‘z ochkolarini 22taga yetkazib, 4-o‘rinda bormoqda.

Rossiya premyer-ligasi, 13-tur
Krasnodar – Rostov 2:2 (1:1, 1:1)
Gollar: 0:1 – 7 Shomurodov, 1:1 – 16 Ari, 2:1 – 72 Ari, 2:2 – 81 Ingason.
Krasnodar – Sinisin, Petrov, Spayich, Martinovich, Stoskiy, Pereyra (Kueva, 66), Kabore, Klasson, Gazinskiy, Vanderson (Ramires, 87), Ari (Ignatyev, 77).
Rostov – Pesyakov, Ingason, Vilyush, Parshivlyuk, Sigurdsson, Yusupov, Shadin, Guliyev (Zuyev, 65), Gaskan, Sigurdarson (Ionov, 63), Shomurodov (Kyartansson, 77).
Ogohlantirish: Pereyra (56).