Россия премьер-лигасининг 13-тури доирасида "Краснодар" ўз майдонида "Ростов"ни қабул қилди.

Учрашувнинг 7-дақиқасида Элдор Шомуродов бош билан ҳисобни очишга муваффақ бўлди. Аммо орадан кўп ўтмасдан мезбонлар ҳисобни тенглаштиришди. Гол муаллифи — Ари. Ўйин тугашига 18 дақиқа қолганида яна ўша Ари жамоасини ҳисобда олдинга олиб чиқди. 81-дақиқада эса Ингасон "Ростов"нинг иккинчи голини уриб, ҳисобни тенглаштирди.

Шомуродов баҳснинг 77-дақиқасида захирага олинди. Унинг ўрнига Кьяртанссон туширилди. Бугунги ўйиндаги гол Элдор учун Россия премьер-лигасининг ушбу мавсумидаги илк гол бўлди. Аввалроқ у Россия кубоги доирасида тўп киритганди.

Мазкур дурангдан кейин "Ростов" ўз очколарини 22тага етказиб, 4-ўринда бормоқда.

Россия премьер-лигаси, 13-тур
Краснодар – Ростов 2:2 (1:1, 1:1)
Голлар: 0:1 – 7 Шомуродов, 1:1 – 16 Ари, 2:1 – 72 Ари, 2:2 – 81 Ингасон.
Краснодар – Синицын, Петров, Спайич, Мартынович, Стоцкий, Перейра (Куэва, 66), Каборе, Классон, Газинский, Вандерсон (Рамирес, 87), Ари (Игнатьев, 77).
Ростов – Песьяков, Ингасон, Вилюш, Паршивлюк, Сигурдссон, Юсупов, Щадин, Гулиев (Зуев, 65), Гацкан, Сигурдарсон (Ионов, 63), Шомуродов (Кьяртанссон, 77).
Огоҳлантириш: Перейра (56).