FIFA prezidenti Janni Infantino federasiya Superliga tashkil etiladigan bo‘lsa, unda o‘ynaydigan futbolchilarni jahon chempionatida ishtirok etishga qo‘ymasligini aytdi.

Avvalroq Spiegel nemis nashri Football Leaks portali hujjatlariga asoslangan holda tergov o‘tkazgan. Tergov davomida Yevropaning 16 ta yetakchi klubi, jumladan, “Real” “Barselona”, “Bavariya”, “Arsenal”, “PSJ” Chempionlar ligasiga muqobil turnir tashkil etmoqchiliklari ma’lum bo‘lgan. 

“Yoki biz bilansiz, yoki ketasiz. Superligada o‘ynaydigan futbolchilar jahon chempionati va Yevropa chempionati kabi xalqaro musobaqalarda o‘ynay olmaydilar”, deb aytgan Infantino.