"Paxtakor"ning o‘ndan ortiq futbolchilari turli terma jamoalar yig‘inlariga taklif etildi.
Eldor Suyunov, Vladimir Kozak, Yegor Krimes, Akmal Shorahmedov va Jaloliddin Masharipov O‘zbekiston milliy terma jamoasi bilan Avstraliyaga jo‘nab ketdi. Ular 15 noyabr kuni Livan, 20 noyabrda Janubiy Koreya terma jamoalariga qarshi o‘rtoqlik bellashuvlarida uchun tashkil qilingan yig‘inda qatnashishadi. Terma jamoaga chaqirilgan Farruh Sayfiyev o‘ng boldir oshiq bo‘g‘imi bog‘lamlari cho‘zilishi, Jasur Yaxshiboyev esa yuqori boldir mushaklari jarohati tufayli terma jamoa yig‘inidan chetda qoldi.
Olimpiya terma jamoasi bilan BAAdagi xalqaro turnirda Umid Hamroyev va Hojiakbar Alijonov ishtirok etadi. Ular Yaponiya, BAA va Kuvayt jamoalari bilan o‘yinlarda maydonga tushishadi.
Dian Talxatov, Alisher Salimov va Shohrux Mahmudhojiyev Toshkentda yig‘in o‘tkazadigan olimpiya terma jamoasi tarkibiga jalb etilgan.
Marko Simich esa Chernogoriya terma jamoasi safida Yevropa Millatlar Ligasida Serbiya va Ruminiya bilan uchrashuvlarda qatnashish uchun yig‘inga jo‘nab ketdi.