O‘zbekiston milliy terma jamoasi Avstraliyaning Brisben shahrida o‘quv mashg‘ulot yig‘ini o‘tkazishi va Livan hamda Janubiy Koreyaga qarshi ikkita o‘rtoqlik o‘yinida maydonga tushishi haqida xabaringiz bor.
Bugun 13 noyabr kuni O‘zbekiston Seul - Brisben yo‘nalishi bo‘ylab deyarli 10 soat davom etgan parvozdan so‘ng Avstraliyaga yetib keldi.
Futbolchilar avvaldan belgilanganidek Gold Kostdagi "Hilton Surfers Paradise" mehmonxonasiga joylashishdi. Terma jamoa a’zolari mehmonxonada hordiq chiqarishganidan so‘ng bugun kechqurun "CBUS Super Stadium" o‘yingohida mashg‘ulot o‘tkazishi rejalashtirilgan.
Eslatib o‘tamiz, Livanga qarshi o‘rtoqlik o‘yini 15 noyabr kuni bo‘lib o‘tsa, 20 noyabr kuni futbolchilarimiz Janubiy Koreya bilan kuch sinashishadi.
