Xabar berib o‘tganimizdek, Samarqand shahrida kamondan otish bo‘yicha Milliy olimpiya qo‘mitasi sovrini uchun O‘zbekiston kubogi o‘tkaziladi. Ayni paytga kelib turnirga tayyorgarlik ko‘rish jarayoni yakunlandi.

Musobaqaning tashkiliy masalalarini nazorat qilish maksadida Samarqandga O‘zbekiston kamondan otish federasiyasi raisi Otabek Imomov ham yetib keldi. Shuningdek, musobaka davomida Turkiyadan tashrif buyurgan seleksioner murabbiy Vladimir Lekvishvili ham bahslarni bevosita kuzatib boradi va terma jamoamiz uchun yangi nomzodlarni saralashda o‘zbekistonlik murabbiylarga yordam beradi. Bugun musobaqa oldidan rasmiy mashg‘ulotlar o‘tkazildi. Bahslar Samarqand shahar 2-BO‘SM qoshidagi «Nafis» sport majmuasida bo‘lib o‘tadi.

Ertaga soat 10:00 da Samarqand avtomobilsozlik kasb-hunar kolleji binosida musobaqaga bag‘ishlangan matbuot anjumani tashkil qilinadi. So‘ngra, turnirning ochilish marosimi o‘tkaziladi. Ana shundan keyin asosiy bahslarga start beriladi.