Kataloniyaning “Barselona” klubi hujumchisi Lionel Messi LaLiganing 12-turida “Betis” darvozasiga ikkita gol urib, bir klub safida gol urish bo‘yicha ikkinchi o‘ringa chiqib oldi.

Ma’lumotlarga ko‘ra, argentinalik futbolchining “ko‘k-anorranglilar” safidagi gollari 566 taga yetdi.

Bu ko‘rsatkich bo‘yicha endi u faqat afsonaviy Peledan orqada. Braziliyalik Pele “Santos” safida 643ta gol urishga muvaffaq bo‘lgan.

Messidan keyingi o‘rinlarda Gerd Myuller (“Bavariya”, 565 ta gol), Eysebio (“Benfika”, 473ta gol), Krishtianu Ronaldu (“Real”, 450ta gol) va boshqalar egallab turibdi.