Каталониянинг “Барселона” клуби ҳужумчиси Лионель Месси ЛаЛиганинг 12-турида “Бетис” дарвозасига иккита гол уриб, бир клуб сафида гол уриш бўйича иккинчи ўринга чиқиб олди.
Маълумотларга кўра, аргентиналик футболчининг “кўк-анорранглилар” сафидаги голлари 566 тага етди.
Бу кўрсаткич бўйича энди у фақат афсонавий Пеледан орқада. Бразилиялик Пеле “Сантос” сафида 643та гол уришга муваффақ бўлган.
Мессидан кейинги ўринларда Герд Мюллер (“Бавария”, 565 та гол), Эйсебио (“Бенфика”, 473та гол), Криштиану Роналду (“Реал”, 450та гол) ва бошқалар эгаллаб турибди.
