“Liverpul”ning sobiq futbolchisi va murabbiyi Kenni Dalglish risarlik unvonini oldi.

67 yoshli shotlandiyalik mutaxassis Bukinghem saroyida Uels shahzodasi Charlz tomonidan futboldagi yorqin faoliyati va “Hillsboro”dagi fojia oqibatida qurbon bo‘lgan muxlislarning oilalariga ko‘rsatgan yordami uchun oliy unvon bilan mukofotlangan.

Endilikda Dalglish ham risar sifatida Aleks Fergyuson, Bobbi Charlton, Stenli Metyuz, Bobbi Robson kabi britan futboli darg‘alari qatoridan joy oldi, uning ismi oldidan “ser” faxriy belgisi qo‘shib aytiladi.

Kenni Dalglish futbolchi sifatida “Liverpul” bilan 6 marotaba Angliya chempionatida g‘olib chiqqan, uch marta Yevropa Chempionlar kubogini qo‘lga kiritgan. Murabbiy sifatida u klubniuch marotaba Premyer-liga bosh sovrini sari boshlab borgan. Shu bilan birga, Dalglish Angliya kubogi, superkubogi va liga kubogining ham ko‘p martalik g‘olibi hisoblanadi. 1995 yilda “Blekbern” uning qo‘l ostida Angliya chempioni bo‘lgan.

Ma’lumot uchun,”«Hillsboro” voqeasi Britaniya sporti tarixidagi eng qonli fojia hisoblanadi. 1989 yil 15 aprelida Sheffild shahridagi “Hillsboro” stadionida”«Nottinhem Forest” va “Liverpul” klublari o‘rtasida kechgan Angliya kubogining yarim final o‘yini boshlanishi vaqtida muxlislar tirbandligining yuzaga kelishi 96 kishining vafot etishi va 766 kishining turli darajada tan jarohati olishiga sabab bo‘lgan edi.