Avval xabar berib o‘tganimizdek, O‘zbekiston olimpiya terma jamoasi ayni kunlarda Birlashgan Arab Amirliklarida davom etayotgan «Dubai Cup» musobaqasida ishtirok etmoqda. 14 noyabr kuni vakillarimiz Yaponiyaga qarshi maydonga tushib, 2:2 hisobida durang qayd etishgandi.   Bugun olimpiya terma jamoasi a’zolari musobaqaning ikkinchi turida BAAga qarshi o‘yin o‘tkazishdi. Uchrashuv 2:0 hisobida vakillarimizning g‘alabasi bilan yakunlandi. Terma jamoamiz tarkibida gollarga ikkinchi bo‘limda  zaxiradan tushgan Sanjar Qodirqulov (75) va Islom Qobilov (80, penalti) mualliflik qilishdi.   «Dubai Cup» xalqaro musobaqasi

17 noyabr, soat 16:45

BAA – O‘zbekiston 0:2

Gollar: S.Qodirqulov (75), I.Qobilov (80, pen.)

BAA: Muhammad Ali Shokir, Abdulla Jassim Ali, Ali Solih Ali Amro, Abdullo Baxi, Issa Muhammad, Xalfar Hasan, Abdulrahmon Al Amriy, Xolid Muhammad, Majid Rashid, Ahmad Amr, Xolid Abdulla Muborak.

O‘zbekiston: Umidjon Ergashev, Hojiakbar Alijonov, Islomjon Qobilov, Husniddin G‘ofurov, Azizbek Omonov (Farrux Ikromov, 70), Davron Umirov (Oston Urunov, 46), Islom Kenjaboyev (Sanjar Qodirqulov, 70), Islom Rashidxonov (Nurullo To‘xtasinov, 60), Mirjahon Mirahmadov (Oybek Rustamov, 88), Sherzod Nasrullayev (Dilshod Saidov, 88), Sharof Muhiddinov (Abrorbek Ismoilov, 60).

  Shuni ham alohida ta’kidlab o‘tish kerakki, Bobur Abduxoliqov va Abdulla Abdullayev jarohati sababli Dubaydagi musobaqada ishtirok eta olmayapti. Endi Olimpiya terma jamoamiz 20 noyabr kuni  Kuvayt terma jamoasiga qarshi maydonga tushadi.