17 noyabr kuni Toshkentda Markaziy Osiyo mamlakatlari qilichbozlik federasiyalari rahbarlarining kengashi bo‘lib o‘tdi. Yig‘ilishda Xalqaro qilichbozlik federasiyasi ijroiya qo‘mitasi a’zosi V.Logvin ham ishtirok etdi.
Kengashda so‘zga chiqqan Logvin mintaqada qilichbozlik sporti shiddat bilan rivojlanayotganligini hisobga olgan holda, shuningdek milliy qilichbozlik federasiyalari o‘rtasidagi o‘zaro hamkorlikni yanada rivojlantirish maqsadida Markaziy Osiyo qilichbozlik Konfederasiyasini tashkil etish masalasini ko‘rib chiqishni taklif qildi.
Kengash qatnashchilari ushbu tashabbusni yakdillik bilan ma’qulladilar. Yig‘ilishda so‘zga chiqqan Qozog‘iston qilichbozlik federasiyasining vise-prezidenti R.Kichikov Markaziy Osiyo qilichbozlik konfederasiyasi rahbar organini shakllantirish zarurligini ta’kidlab, Markaziy Osiyo qilichbozlik konfederasiyasi prezidenti lavozimiga O‘zbekiston qilichbozlik federasiyasining raisi Rustam Shoabdurahmonov nomzodini taklif qildi.
Kengash qatnashchilari bir ovozdan R.SHoabdurahmonov nomzodini qo‘llab-quvvatladilar va Markaziy Osiyo qilichbozlik konfederasiyasi prezidenti etib sayladilar.
Konfederasiya bosh kotibi lavozimiga Afg‘oniston qilichbozlik federasiyasi prezidenti A.Tarik, tashkilot vise-prezidentiligiga esa Qozog‘iston qilichbozlik federasiyasining vise-prezidenti R.Kichikov saylandi.
O‘zbekiston qilichbozlik federasiyasi matbuot xizmati
