O‘zbekiston Professional futbol ligasi mavsum boshidan buyon oyning eng yaxshilarini aniqlash uchun o‘tkazib kelayotgan so‘rovnomasini davom ettiradi.
Mazkur so‘rovnomada PEPSI Superliganing 12 ta klubi bosh murabbiylari va sardorlari ishtirok etdi. Muxlislar ovozi esa PFL rasmiy sayti (www.PFL.uz)da tashkil etilgan so‘rovnoma orqali qabul qilindi.
Ortda qolganoktyabr oyida PEPSI Superligada 25-28-tur uchrashuvlari, shuningdek, O‘zbekiston kubogi-2018 finaluchrashuvi o‘tkazildi. Mazkur uchrashuvlar davomida bir qator darvozabonlar ishonchli o‘yin namoyish etib, muxlis-u mutaxassislar olqishlariga sazovor bo‘lishdi.
O‘tkazilgan so‘rovnoma yakunlariga ko‘ra, eng ko‘p ovoz yig‘gan Ignatiy Nesterov oktyabr oyining eng yaxshi darvozaboni deb topildi. “Kuchli uchlik”dan Sanjar Quvvatov hamda Akbar To‘rayev o‘rin olishdi.
