Ўзбекистон Профессионал футбол лигаси мавсум бошидан буён ойнинг энг яхшиларини аниқлаш учун ўтказиб келаётган сўровномасини давом эттиради.
Мазкур сўровномада PEPSI Суперлиганинг 12 та клуби бош мураббийлари ва сардорлари иштирок этди. Мухлислар овози эса ПФЛ расмий сайти (www.PFL.uz)да ташкил этилган сўровнома орқали қабул қилинди.
Ортда қолганоктябрь ойида PEPSI Суперлигада 25-28-тур учрашувлари, шунингдек, Ўзбекистон кубоги-2018 финалучрашуви ўтказилди. Мазкур учрашувлар давомида бир қатор дарвозабонлар ишончли ўйин намойиш этиб, мухлис-у мутахассислар олқишларига сазовор бўлишди.
Ўтказилган сўровнома якунларига кўра, энг кўп овоз йиғган Игнатий Нестеров октябрь ойининг энг яхши дарвозабони деб топилди. “Кучли учлик”дан Санжар Қувватов ҳамда Акбар Тўраев ўрин олишди.
