Andijonda havaskor jamoalar o‘rtasidagi futbol bahslari o‘z yakuniga yetdi. Musobaqada jami 14 jamoa 2 guruhga bo‘lingan holda ishtirok etib, har birida 7tadan jamoa bahslarda qatnashdi. O‘z guruhida 1 va 2-o‘rinni egallagan jamoalar musobaqaning yarim final bosqichiga yo‘l olishdi.
“A” guruhida 1-o‘rinni Shahrixonning “RashMilk” jamoasi egallagan bo‘lsa, 2-o‘rin Asaka tumani “GM Uzbekistan” jamoasiga nasib qildi.
“B” guruhida 1-o‘rinni “UzDongYangKo” jamoasi, 2-o‘rinni esa “UzTonXongKo” jamoasi qo‘lga kiritdi.
Ushbu jamoalar o‘zaro uchrashuvlarda ishtirok etdilar. “RashMilk”- “UzTonXongKo” 4-1. “UzDongYangKo”- “GMUzbekiston” 4-0. Uchinchi o‘rin uchun o‘tkazilgan bahsda “UzTonXongKo “GMUzbekiston” jamoasini 6-2 hisobida yengdi.
“Sho‘rbuloq” futbol akademiyasi stadionida musobaqaning final uchrashuvi o‘tkazilib, unda Shahrixonning “RashMilk” jamoasi “UzDongYangKo”ni 4-2 hisobida mag‘lubiyatga uchratdi va g‘oliblikni qo‘lga kiritdi.
Andijon viloyat futbol assosiasiyasi birinchi vise-prezidenti Bekzodbek Karimov, viloyat jismoniy tarbiya va sport boshqarmasi boshlig‘i O‘tkirbek Toshpo‘latovlar g‘olib va sovrindorni qutlab, kubok va esdalik sovg‘alari topshirdilar.
