"Los-Anjeles Gelaksi" hujumchisi Zlatan Ibrahimovich yaqin oylarda Italiya chempionatiga qaytadi. Gazzetta dello Sport tarqatgan xabarga ko‘ra, "Milan" yaqin kunlarda shvesiyalik futbolchi bilan shartnoma imzolaydi.
Ma’lumotlarga qaraganda, Zlatan "rossoneri" bilan yarim yillik shartnomaga imzo chekadi. Shuningdek, tomonlarning kelishuviga ko‘ra, shartnoma yana bir yilga uzaytirilishi mumkin bo‘ladi. Yarim yillik faoliyati davomida Ibrahimovich 2 mln yevro daromad oladi.
Avvalroq "Milan" klubi Zlatan bilan muzokaralar olib borilayotganini tasdiqlagandi. Ibrahimovichning "Los-Anjeles Gelaksi" bilan amaldagi shartnomasi shu yil oxirida yakuniga yetadi.