Yevropa chempionlar ligasining 5-turi doirasida bo‘lib o‘tadigan "Liverpul"ga qarshi o‘yin oldidan "PSJ" tarkib borasida muammolarga duch kelmoqda.
La Gazzetta dello Sport tarqatgan xabarga ko‘ra, Neymar 28 noyabr kuni bo‘ladigan o‘yinda maydonga tusha olmaydi. Boisi, braziliyalik futbolchi mushagidan olgan jarohatini to‘liq davolashga ulgurmaydi.
Kilian Mbappening "Liverpul"ga qarshi bahsda ishtirok etishi so‘roq ostida turibdi. Urugvayga qarshi uchrashuvda fransiyalik futbolchining yelkasi lat yegandi. Uning YECHL 5-tur bahsiga tayyor bo‘lish ehtimoli mavjud.