Italiya “A” Seriyasining 13-turida “Yuventus” hujumchisi Krishtianu Ronaldu SPAL darvozasiga gol urib o‘zining uslubida golni nishonladi.
Yuqori “parvoz”dan keyin Krish Siiiii! (“Haaaaa!”) deya qichqirdi. “Yuventus”ning minglab muxlislari esa portugaliyalik futbolchining ortidan sinxron tarzda ushbu jumlani takrorlashdi.
Ronalduning qichqirig‘ini muxlislar “San-Siro”da ham qo‘llashdi.
Agar siz Siiiii qichg‘irig‘ini yodingizdan chiqarib qo‘ygan bo‘lsangiz. Ushbu jumla 2015 yil o‘tkazilgan “Oltin to‘p” marosimida vujudga kelgan. “Futbolchilar goldan keyin nima deyishimni bilishadi. Bu bizning jamoaviy shiorimiz”, -deb aytgan edi Krishtianu.
Siiiii deya nishonlash 2011 yil “Real”da boshlangan. Aynan bunday nishonlashni kim o‘ylab topgani esa noma’lum.
Bu esa yaqin yillar ichida “Yuve”ning an’anasiga aylansa hech gap emas.
Abror Eshonxonov
