Angliyaning “Manchester Yunayted” klubi futbolchilari jamoa bosh murabbiyi Joze Mourinyuning muntazam ta’nalaridan norozi bo‘lishmoqda. Bu haqda Daily Mail nashri xabar bermoqda.

Manbaning xabariga ko‘ra, APL 13-turi doirasida “Kristal Pelas”ga qarshi kechgan o‘yindan so‘ng murabbiyning aytgan gaplari ko‘plab futbolchilarga yoqmagan. Ta’kidlanishicha, bu gaplardan so‘ng bir qator futbolchilarning hafsali pir bo‘lgan.

Eslatib o‘tamiz, “Manchester Yunayted” APL 13-turidan so‘ng turnir jadvalida 7-o‘rinda bormoqda va peshqadam “Manchester Siti”dan 14 ochkoga ortda qolmoqda.