Англиянинг “Манчестер Юнайтед” клуби футболчилари жамоа бош мураббийи Жозе Моуриньюнинг мунтазам таъналаридан норози бўлишмоқда. Бу ҳақда Daily Mail нашри хабар бермоқда.
Манбанинг хабарига кўра, АПЛ 13-тури доирасида “Кристал Пэлас”га қарши кечган ўйиндан сўнг мураббийнинг айтган гаплари кўплаб футболчиларга ёқмаган. Таъкидланишича, бу гаплардан сўнг бир қатор футболчиларнинг ҳафсали пир бўлган.
Эслатиб ўтамиз, “Манчестер Юнайтед” АПЛ 13-туридан сўнг турнир жадвалида 7-ўринда бормоқда ва пешқадам “Манчестер Сити”дан 14 очкога ортда қолмоқда.
