Pro liga pley-off “Istiqlol” – “Nurafshon” uchrashuvidan so‘ng saytimiz xodimi Jaloliddin Qobiljonov farg‘onaliklar hujumchisi Elyor Akbarovdan uchrashuv haqidagi fikrlari bilan qiziqdi.
“Bugun biz faqat g‘alaba uchun maydonga tushgandik va o‘z maqsadimizga erishdik. Men bu g‘alaba bilan jamoadoshlarimni tabriklayman. Mavsum davomida bizni qo‘llab-quvvatlagan muxlislarga ham tashakkur bildirmoqchiman.
Keyingi 4-dekabrda bo‘lib o‘tadigan o‘yinda ham g‘alaba qozonib muxlislarimizga Superligani sovg‘a qilmoqchimiz”, deydi Akbarov.
Eslatib o‘tamiz, “Istiqlol” pley-off bosqichda Toshkent viloyatining “Nurafshon” jamoasini 2:1 hisobida mag‘lub etdi.
