Про лига плей-офф “Истиқлол” – “Нурафшон” учрашувидан сўнг сайтимиз ходими Жалолиддин Қобилжонов фарғоналиклар ҳужумчиси Элёр Акбаровдан учрашув ҳақидаги фикрлари билан қизиқди.
“Бугун биз фақат ғалаба учун майдонга тушгандик ва ўз мақсадимизга эришдик. Мен бу ғалаба билан жамоадошларимни табриклайман. Мавсум давомида бизни қўллаб-қувватлаган мухлисларга ҳам ташаккур билдирмоқчиман.
Кейинги 4-декабрда бўлиб ўтадиган ўйинда ҳам ғалаба қозониб мухлисларимизга Суперлигани совға қилмоқчимиз”, дейди Акбаров.
Эслатиб ўтамиз, “Истиқлол” плей-офф босқичда Тошкент вилоятининг “Нурафшон” жамоасини 2:1 ҳисобида мағлуб этди.
