“Neftchi” – “Qo‘qon-1912” uchrashuvidan so‘ng mezbonlar ustozi Bahrom Haydarov quyidagicha fikr bildirdi:

"Murakkab mavsum o‘tkazdik. Hammasi uchun yigitlarga rahmat, barchaga rahmat! Shogirdlarim qiyin vaziyatda bo‘lishimizga qaramay, ortda qolgan barcha bellashuvlarda yurakdan harakat qilishdi. Ularga e’tirozim yo‘q. Bugun faqat muxlislar uchun o‘ynadik va oxirigacha kurashdik. Afsus omadimiz kelmadi. Qo‘qonliklarni g‘alaba bilan qutlayman. Hayot esa davom etadi. “Neftchi”dek buyuk klub uchun hali yaxshi va yorug‘ kunlar kelishiga ishonaman", — dedi mutaxassis.