"So‘g‘diyona” – “Nasaf” uchrashuvi nihoyasida bugungi o‘yinni eng yaxshi futbolchisi sifatida e’tirof etilgan "Nasaf" futbolchisi Bobir Davlatovdan ham o‘yin haqidagi fikrlarini so‘radik.
-O‘yin haqida nima deyishim mumkin. Qiyin o‘yin bo‘lishini oldindan bilgandik. Hamda bugungi uchrashuv chempionatning so‘nggi uchrashuvi bo‘lgani, qolaversa mezbon jamoaga ochko juda zarurligi bo‘lgani saba, maydonda qattiq kurash bo‘ldi. Dastlabki bo‘limda diqqatni jamlashimiz ham qiyinroq bo‘ldi. Ammo jamoadoshlarimga kelsak, yigitlar oxirgi daqiqalargacha kurash olib borishdi va g‘alabaga erishdik. Golim to‘g‘risida? To‘g‘risi, omad kelib qoldi va gol urishga erishdim. Fursatdan foydalanib, murabbiylarimizga, jamoadoshlarimga shuningdek barcha muxlislarimizga bizga madadkor bo‘lganlari uchun, tashakkur bildirib qolaman.
“Nasaf”dagi o‘yinimga kelsak, hali o‘z o‘yinimdan qoniqqan emasman. O‘z ustimda ko‘proq ishlashim kerak. Albatta mehnatdan qochmayman. Futbol bu mening tanlagan yo‘lim. Nasib bo‘lsa, “Nasaf”tarkibida to‘p tepib, yuqori natijalarga erishish niyatim bor. Biz kelgusi mavsumda albatta yuqori o‘rinlar uchun bor kuchimizni ishga solamiz.
