“Paxtakor” – “Bunyodkor” uchrashuvidan so‘ng mezbonlar ustozi Shota Arveladze quyidagicha fikr bildirdi:
- Avvalo "Lokomotiv" jamoasini navbatdagi qo‘lga kiritilgan g‘alaba va yutuq bilan tabriklayman. Ushbu jamoa chempionatning hal qiluvchi bosqichini juda yaxshi o‘tkaza oldi. Biz ushbu jamoaga qarshi o‘yinda mavjud imkoniyatimizdan foydalanish uchun maydonga chiqqan edik.
Bugun esa "Paxtakor" jamoasi imidji, nomi uchun o‘ynadik. Bugun chempionatni yaxshi darajada o‘tkaza olgan "Bunyodkor"ni haqli tarzda mag‘lub etdik. Ushbu klub chempionat oxiriga qadar 3-o‘rin uchun jiddiy kurash olib borganini qayd eta olaman.
Bugun chempionatning so‘nggi o‘yiniga jamoamizni qo‘llab-quvvatlash uchun tashrif buyurgan muxlislarga va o‘yinimizni yoritish uchun vaqt topib kelgan OAV vakillariga minnatdorchilik izhor etaman, - dedi murabbiy.
