“Пахтакор” – “Бунёдкор” учрашувидан сўнг мезбонлар устози Шота Арвеладзе қуйидагича фикр билдирди:
- Аввало "Локомотив" жамоасини навбатдаги қўлга киритилган ғалаба ва ютуқ билан табриклайман. Ушбу жамоа чемпионатнинг ҳал қилувчи босқичини жуда яхши ўтказа олди. Биз ушбу жамоага қарши ўйинда мавжуд имкониятимиздан фойдаланиш учун майдонга чиққан эдик.
Бугун эса "Пахтакор" жамоаси имиджи, номи учун ўйнадик. Бугун чемпионатни яхши даражада ўтказа олган "Бунёдкор"ни ҳақли тарзда мағлуб этдик. Ушбу клуб чемпионат охирига қадар 3-ўрин учун жиддий кураш олиб борганини қайд эта оламан.
Бугун чемпионатнинг сўнгги ўйинига жамоамизни қўллаб-қувватлаш учун ташриф буюрган мухлисларга ва ўйинимизни ёритиш учун вақт топиб келган ОАВ вакилларига миннатдорчилик изҳор этаман, - деди мураббий.
