"Los-Andjeles Gelaksi" hujumchisi Zlatan Ibragimovich "Men - futbolman" avtobiografisida 2010 yilda uni "Manchester Siti" sotib olishi mumkin bo‘lgani, oqibatda "Milan"ga yo‘l olganini yozgan.

"Men o‘sha vaqtda "Barselona"ga ndigina prezident bo‘lgan Sandro Rossel bilan uchrashgandim. U menga to‘g‘risini - Gvardiola meni sotishni so‘raganini aytdi

"Sen menga qaysi klubga o‘tishni istayotganingni aytishing mumkin. Biz ularga qo‘n0iroq qilamiz va seni sotib olishlarini so‘raymiz", - degandi Rossel. Men o‘zim o‘tishga tayyor bo‘lgan klub yo‘qligini aytdim. Shunda u "Manchester Siti" haqida so‘radi. Ammo bu meni mutlaqo qiziqtirmasdi. Keyinchalik bilishimcha, ular mensiz transferimni kelishib olishgan ekan. "Siti" men uchun "Milan"dan ko‘ra ko‘proq to‘lashga tayyor bo‘lgan.

Men bilan muammo Gvardiolaning o‘zida bo‘lgan. U hech qachon gap nimada ekanini aytmagan. Natijada bu haqida o‘zim bosh qotirishimga to‘g‘ri keldi. "Nimanidir to‘g‘ri bajarmadimii? Ko‘p kulamanmi? Burnim juda kattadir?"

Bir kuni Rossl yorildi. "Eshit, sen qaysi jamoaga o‘tishingni ayt, Gvardiola seni amoada ko‘rishni istamayapti", - degandi u. Shunday javob berdim: "Bir jamoa bor Bu "Real". "Yo‘q, hech qachon bunday bo‘lmaydi. U holda shu yerda qolishingga to‘g‘ri keladi. Gvardiola bilan qanday bo‘lmasin kelishib olinglar, ammo men "Real"ga qo‘ng‘iroq qilmayman", - degan di Rossel. "Yaxshi, unday bo‘lsa, mashg‘ulot maydoni chetida tez yordam mashinasi bo‘lsin. Har narsa bo‘lishi mumkin", - deya javob bergandim men.

"U o‘shanda mening "Milan"ga otlanayotganimni bilmasdi. Gap shundaki, "Milan" meni sotib olib, "Barselona" bergan maoshni berishi kerak edi.Agar ular transferim uchun ko‘p pul sarflasha, men bilan maosh borasida kelishiga qiynalgan bo‘lishar edi Meni nima qiziqtirardi? Albatta, maoshim. Men Gvardiola tufayli maoshim pasaymshiga ko‘nmadim", - deb yozadi Ibrahimovich.