"Лос-Анджелес Гэлакси" ҳужумчиси Златан Ибрагимович "Мен - футболман" автобиографисида 2010 йилда уни "Манчестер Сити" сотиб олиши мумкин бўлгани, оқибатда "Милан"га йўл олганини ёзган.
"Мен ўша вақтда "Барселона"га ндигина президент бўлган Сандро Россел билан учрашгандим. У менга тўғрисини - Гвардиола мени сотишни сўраганини айтди
"Сен менга қайси клубга ўтишни истаётганингни айтишинг мумкин. Биз уларга қўн0ироқ қиламиз ва сени сотиб олишларини сўраймиз", - деганди Россель. Мен ўзим ўтишга тайёр бўлган клуб йўқлигини айтдим. Шунда у "Манчестер Сити" ҳақида сўради. Аммо бу мени мутлақо қизиқтирмасди. Кейинчалик билишимча, улар менсиз трансферимни келишиб олишган экан. "Сити" мен учун "Милан"дан кўра кўпроқ тўлашга тайёр бўлган.
Мен билан муаммо Гвардиоланинг ўзида бўлган. У ҳеч қачон гап нимада эканини айтмаган. Натижада бу ҳақида ўзим бош қотиришимга тўғри келди. "Ниманидир тўғри бажармадимии? Кўп куламанми? Бурним жуда каттадир?"
Бир куни Россль ёрилди. "Эшит, сен қайси жамоага ўтишингни айт, Гвардиола сени амоада кўришни истамаяпти", - деганди у. Шундай жавоб бердим: "Бир жамоа бор Бу "Реал". "Йўқ, ҳеч қачон бундай бўлмайди. У ҳолда шу ерда қолишингга тўғри келади. Гвардиола билан қандай бўлмасин келишиб олинглар, аммо мен "Реал"га қўнғироқ қилмайман", - деган ди Россель. "Яхши, ундай бўлса, машғулот майдони четида тез ёрдам машинаси бўлсин. Ҳар нарса бўлиши мумкин", - дея жавоб бергандим мен.
"У ўшанда менинг "Милан"га отланаётганимни билмасди. Гап шундаки, "Милан" мени сотиб олиб, "Барселона" берган маошни бериши керак эди.Агар улар трансферим учун кўп пул сарфлаша, мен билан маош борасида келишига қийналган бўлишар эди Мени нима қизиқтирарди? Албатта, маошим. Мен Гвардиола туфайли маошим пасаймшига кўнмадим", - деб ёзади Ибраҳимович.
