Angliyaning “Sautgempton” klubi bosh murabbiyi Mark Xyuz o‘z lavozimii tark etdi.
55 yoshli mutaxassis bilan birgalikda uning yordamchilari Eddi Nedzveski va Mark Bouenlar ham iste’fo berishgan.
Ayni damda “Sautgempton” yangi murabbiy qidirishni boshlab yuborgan. “Tottenxem”ga qarshi o‘yinda jamoani Kelvin Devis boshqaradi.
Eslatib o‘tamiz, Xyuz “Sautgempton”ni ushbu yilning mart oyidan beri boshqarib kelayotgandi. So‘nggi o‘yinda uning jamoasi “Manchester Yunayted” bilan durang o‘ynagandi (2:2).
APLning 14-turidan so‘ng jamoa 18-o‘rinda bormoqda va faqatgina 1 sentyabrda “Kristal Pelas”ni mag‘lub eta oldi (2:0) xolos.
