Англиянинг “Саутгемптон” клуби бош мураббийи Марк Хьюз ўз лавозимии тарк этди.

55 ёшли мутахассис билан биргаликда унинг ёрдамчилари Эдди Недзвецки ва Марк Боуэнлар ҳам истеъфо беришган.

Айни дамда “Саутгемптон” янги мураббий қидиришни бошлаб юборган. “Тоттенхэм”га қарши ўйинда жамоани Келвин Дэвис бошқаради.

Эслатиб ўтамиз, Хьюз “Саутгемптон”ни ушбу йилнинг март ойидан бери бошқариб келаётганди. Сўнгги ўйинда унинг жамоаси “Манчестер Юнайтед” билан дуранг ўйнаганди (2:2).

АПЛнинг 14-туридан сўнг жамоа 18-ўринда бормоқда ва фақатгина 1 сентябрда “Кристал Пэлас”ни мағлуб эта олди (2:0) холос.