Italiyaning 15-turi doirasida "Roma" safarda "Kalyari" klubi mehmoni bo‘lib, alamli tarzda g‘alabani qo‘ldan chiqardi.

Rimliklar tanaffusga qadar raqib darvozasini ikki marta ishg‘ol qilib, ishonchli hisob bilan oldinga o‘tib olishdi. Ammo o‘yin tugashiga 6 daqiqa qolganida mezbonlar hisobdagi farqni bittaga qisqartirishdi.

Uchrashuvga qo‘shib berilgan daqiqalarda "Kalyari"ning birdaniga 2 nafar futbolchisi maydondan chetlatildi. Kompensasiya vaqtining 5-daqiqasida maydon egalari 9 kishi bo‘lib hisobni tenglashtirishga muvaffaq bo‘lishdi.

Shu tariqa, "Roma" muhim bo‘lgan 2 ochkoni yo‘qotdi va 21 ochko bilan jadvalda hozircha 6-pog‘onani egallab turibdi.

Italiya A seriyasi, 15-tur
Kalyari – Roma 2:2 (0:2, 2:0)
Gollar: 0:1 – 14 Kristante, 0:2 – 41 Kolarov, 1:2 – 84 Ionise, 2:2 – 90 Sau.
Kalyari – Kranyo, Srna, Klavan, Cheppitelli, Farago, Ionise, Padoin (Payach, 65), Joao Pedro, Bradarich (Chigarini, 80), Cherri, Farias (Sau, 75).
Roma – Olsen, Manolas, Florensi, Fasio, Kolarov, Nzonzi, Dzanyolo (Jezus, 89), Kristante, Under, Klyuyvert (Pellegrini, 75), Shik (Pastore, 83).
Ogohlantirishlar: Kristante (47), Farago (64), Sau (90), Cheppitelli (90).
Chetlatishlar: Srna (90), Cheppitelli (90).