«Barselona» navbatdagi yirik g‘alabani tantana qildi. Aniqroq aytsak, «Kataloniya derbisi» taqdirini Lionel Messi ijrosidagi qoyilmaqom «egiz» jarima zarbalari, Usmon Dembelening nafis mo‘ljali va Luis Suaresga xos kutilmagan qaror hal qildi. Oddiy aytganda, joriy mavsum ancha tetik ko‘ringan «Espanyol» mutlaqo ojiz - 0:4. Yetakchini ta’qib qilayotgan
«Atletiko» esa o‘z maydonida yana bir kashfiyot jamoa - «Alaves»ni 3:0 ko‘rinishida «do‘pposladi». Shuningdek, «Real» ham g‘alaba nashidasini surdi. Farqi shuki, «Qirollik klubi» autsayser - «Ueska» darvozasini 1 martagina nishonga olish bilan cheklandi.
--- Kuchli tanqidlar bo‘roniga uchragan «Barselona» vakili - Usmon Dembele oxirgi o‘yinlarda foydali ish koeffisiyentini keskin oshirdi. Aniqroq aytsak, «bebosh» futbolchi o‘zi ishtirok etgan so‘nggi 8ta uchrashuvda 3ta gol urib, yana 5tasida bevosita ishtirok etdi: «Gol } pas» tizimida 8 ochko.
--- 2ta jarima zarbasini golga aylantirgan Lionel Messi yana bir rekord natijaga erishdi. U Primeroning ketma-ket 13ta mavsumidan buyon 10tadan ko‘p gol urmoqda. Chempionat tarixida hech kim bunday barqaror samaradorlik ko‘rsatmagandi.
--- «Real» futbolchilari «Ueska»ga qarshi o‘yinning birinchi bo‘limida atigi 2ta zarba yo‘llashdi - bu klubning joriy mavsumdagi eng yomon ko‘rsatkichi. Madridliklar tanaffusdan keyin yana 3 bora zarba berishdi. Taqqoslash uchun, «Ueska» vakillari «Real» darvozasini 11 marta «o‘q»qa tutishdi.
--- «Real» yarim himoyachisi Garet Beyl La-ligada 10ta o‘yinga cho‘zilgan golsiz seriyasiga nuqta qo‘ydi. Uelslik yulduz Primeroda oxirgi marta 1 sentyabr kuni «Leganes» darvozasini nishonga olgandi.
7 dekabr
LEGANES - XETAFE - 1:1 (0:1)
Leganes. 11327 tomoshabin.
Gollar: Nyom (64) - Kabrera (39).
Chetlatish: Peres (90}3, L.).
8 dekabr
ATLETIKO - ALAVES - 3:0 (1:0)
Madrid. 55810 tomoshabin.
Gollar: Kalinich (25), Grizmann (82), Rodri Ernandes (87).
Atletiko: Oblak, Aryas, Savich, Lyuka Ernandes (Ximenes, 36), Saul, Korrea, Parti, Rodri Ernandes, Lemar (Montero, 64), Kalinich (Vitolo, 56), Grizmann.
Alaves: Pacheko, Agirregabiria (Sobrino, 81), Laguardia, Ximo Navarro, Duarte, Manu Garsiya, Pina, Vakaso (Baston, 46), Ibai Gomes (Burgi, 72), Kalyeri, Xoni Rodriges.
VALENSIYA - SEVILYA - 1:1 (0:0)
Valensiya. 40057 tomoshabin.
Gollar: Diakabi (90}3) - Sarabiya (55).
Valensiya: Neto, Vass, Garay, Gabriel (Diakabi, 63), Gayya, Soler, Parexo, Koklen, Guedesh (Cherishev, 61), Santi Mina (Batshuayi, 69), Rodrigo.
Sevilya: Vaslik, Merkado, Kyer, Gomes, Promes, Sarabiya, Banega, Vaskes (Amadu, 77), Eskudero, Andre Silva, Ben-Yedder (Muriel, 85).
VILYARREAL - SELTA - 2:3 (0:1)
Vilyarreal. 15720 tomoshabin.
Gollar: Bakka (83, 87) - Mendes (44), Yokushlu (49), Maksi Gomes (51).
ESPANYOL - BARSELONA - 0:4 (0:3)
Barselona. 24037 tomoshabin.
Gollar: Messi (17, 65), Dembele (26), Luis Suares (45).
Barselona: ter Shtegen, Nelson Semedu, Pike, Langle, Alba, Rakitich (Denis Suares, 82), Buskets, Vidal, Messi, Luis Suares (Munir, 79), Dembele (Koutinyo, 68).
9 dekabr
EYBAR - LEVANTE - 4:4 (1:2)
Eybar. 5238 tomoshabin.
Gollar: Enrix (8), Eskalante (57), Sharles (61-pen., 65) - Morales (9), Pyer (25), Tonyo (75), Mayoral (90}1).
UESKA - REAL - 0:1 (0:1)
Ueska. 7341 tomoshabin.
Gol: Beyl (8).
Real: Kurtua, Ramos, Karvaxal, Odriosola, Varan, Modrich (Isko, 66), Lyorente, Vaskes, Sebalyos (Valverde, 58), Beyl (Asensio, 76), Benzema.
Real Sosyedad -
Valyadolid - 1:2 (0:1)
San-Sebastyan. 23620 tomoshabin.
Gollar: Oyarsabal (63) - Vilya (16), Antonito (54).
Betis -
Rayo Valyekano - 2:0 (0:0)
Sevilya. 40218 tomoshabin.
Gollar: Lo Chelso (59-pen.),
Sidney (76).
———————————————------------------------------
ATLETIK - JIRONA o‘yini kecha bo‘lib o‘tdi.
Ernesto Valverde («Barselona» bosh murabbiyi): - Bugun rosa omadimiz keldi. Negaki, tarkibimizda Messidek yetuk ijrochi bor. Uning o‘yinlaridan shunchaki, rohatlanyapmiz. Bunday futbolchi boshqa tug‘ilmasa kerak-ov... Leo iqtidorini to‘liq tasvirlash uchun so‘z boyligim yetmaydi... Eng muhimi, u biz bilan va jarima zarbalarini qoyillatib bajarmoqda.
Diyego Simeone («Atletiko» bosh murabbiyi): - Birinchi bo‘limda yaxshi harakatlanib, ko‘plab vaziyatlar yaratdik. «Alaves» esa qarshi hujum va standart vaziyatlar vaqti bir nechta imkoniyatga ega bo‘ldi. Aslida o‘yin avvalida biroz qiynaldik, lekin Saul va Montero tufayli yarim himoya chizig‘i faollashib, ketma-ket gollar urdik. Kalinich tinimsiz ishlamoqda. U «Milan»dagi murakkab davrdan keyin yangi jamoasida o‘z o‘rnini topishga urinmoqda. Nikola bilan bafurja gaplashib oldim, lekin hech kimga hech qanday va’da bermayman. Uning oxirgi 2ta o‘yinda o‘zini ko‘rsata olganidan baxtiyorman.
Lionel Messi («Barselona» hujumchisi): - Jarima zarbalari vaqtida ma’lum irimga amal qilaman. Zarba ko‘ngildagidek chiqsa, harakatni takrorlayman. Bugungi har ikki urinishda barchasini to‘g‘ri bajardim. To‘g‘ri, har safar gol urishning iloji yo‘q. Jarima zarbalari vositasida «xet-trik» nishonlashni hech ham o‘ylamaganman. «Dubl»dan xursandman, albatta, lekin asosiysi - jamoa g‘alabasi. Jadvalda «Sevilya» va «Atletiko»dan yuqorida tursak, bas.
| 1 | BARSELONA | 15 | 9 | 4 | 2 | 41-19 | 31 |
| 2 | SEVILYA | 15 | 8 | 4 | 3 | 27-16 | 28 |
| 3 | ATLETIKO | 15 | 7 | 7 | 1 | 21-10 | 28 |
| 4 | REAL MADRID | 15 | 8 | 2 | 5 | 23-19 | 26 |
| 5 | ALAVES | 15 | 7 | 3 | 5 | 18-17 | 24 |
| 6 | LEVANTE | 15 | 6 | 4 | 5 | 27-25 | 22 |
| 7 | BETIS | 15 | 6 | 4 | 5 | 16-17 | 22 |
| 8 | XETAFE | 15 | 5 | 6 | 4 | 16-12 | 21 |
| 9 | JIRONA | 14 | 5 | 6 | 3 | 17-16 | 21 |
| 10 | ESPANYOL | 15 | 6 | 3 | 6 | 17-20 | 21 |
| 11 | SELTA | 15 | 5 | 5 | 5 | 28-24 | 20 |
| 12 | VALYADOLID | 15 | 5 | 5 | 5 | 13-15 | 20 |
| 13 | EYBAR | 15 | 5 | 4 | 6 | 19-23 | 19 |
| 14 | REAL SOSYEDAD | 15 | 5 | 4 | 6 | 18-18 | 19 |
| 15 | VALENSIYA | 15 | 3 | 9 | 3 | 12-12 | 18 |
| 16 | LEGANES | 15 | 4 | 5 | 6 | 15-19 | 17 |
| 17 | VILYARREAL | 15 | 3 | 5 | 7 | 15-19 | 14 |
| 18 | ATLETIK | 14 | 1 | 8 | 5 | 14-23 | 11 |
| 19 | RAYO VALYEKANO | 15 | 2 | 4 | 9 | 15-30 | 10 |
| 20 | UESKA | 15 | 1 | 4 | 10 | 12-30 | 7 |
To‘purarlar
Messi (Barselona) - 11ta
Stuani (Jirona) - 11ta
Yago Aspas (Selta) - 10ta...
16-TUR
14 dekabr (juma)
01:00 Selta - Leganes
15 dekabr (shanba)
17:00 Xetafe - Real Sosyedad
20:15 Valyadolid - Atletiko
22:30 Real - Rayo Valyekano
00:45 Eybar - Valensiya
16 dekabr (yakshanba)
16:00 Sevilya - Jirona
20:15 Espanyol - Betis
22:30 Ueska - Vilyarreal
00:45 Levante - Barselona
17 dekabr (dushanba)
01:00 Alaves – Atletik
