Yakuniga yetgan Superliga – 2018 bahslarini bahslarini jami 1.545.623 nafar muxlis bevosita o‘yingohlarda tomosha qildi (o‘rtacha har bir o‘yinga 8050 nafardan to‘g‘ri keladi).
Muxlislar to‘plash borasida Namanganning “Navbahor” jamoasi peshqadamlikni qo‘lga kiritdi. Ushbu jamoa ishtirokidagi 32ta uchrashuvga jami 368375 tomoshabin tashrif buyurdi.

Toshkentning “Paxtakor” klubi ishtirokidagi o‘yinlarga jami 345819 nafar muxlis tashrif buyurdi va ushbu  ko‘rsatkich bo‘yicha “sherlar” ikkinchi pog‘onani band etishdi.

“Buxoro” jamoasi esa 329846 natija bilan uchinchi o‘rinni band etdi. Jizzaxning “So‘g‘diyona” klubi ishtirokidagi o‘yinlarga esa eng kam tomoshabin kelgan – 190242.

Shuningdek, “Navbahor”  o‘z maydonida ham eng ko‘p ishqiboz to‘plagan jamoa bo‘ldi. Namanganda bo‘lib o‘tgan “lochinlar” ishtirokidagi 16ta o‘yinga jami 247117 muxlis tashrif buyurdi. Bu har bir uchrashuvga o‘rtacha 15444 tomoshabin keldi, deganidir.
2018 yilgi O‘zbekiston chempioni “Lokomotiv” esa  bu borada eng past ko‘rsatkichga ega bo‘ldi. “Temiryo‘lchilar”ning uy o‘yinlariga jami 68231 muxlis keldi.

Safardagi bahslarda esa aksincha, “Lokomotiv”ning muxlisi eng ko‘p - 183240.

E’tiborlisi, safarda muxlis to‘plash borasida keyingi o‘rinlarni ham Toshkent klublari egallashdi: “Paxtakor” - 171526 va “Bunyodkor” - 171057.
Safar o‘yinlarida eng kam muxlis to‘plagan jamoa esa “Qizilqum” bo‘ldi -  96472 nafar.

“Navbahor” PFK matbuot xizmati.